Gud skapte menneska av støv, og i kyrkjelege gravferder blir vi den dag i dag lova at vi òg skal stå opp av støvet. Ei av dei ti landeplagene kom i stand då Moses kasta sot mot himmelen. Job gnei seg inn i oske då han mista alt han eigde. Eller – var det støv?
Støvet er eit symbol på det forgjengelege og det låge, det som ikkje er viktig, og som har lite verdi. Slangen i paradiset hadde støv til føde, og i David sin salme nummer 18 heiter det at David skal knuse fiendane «til støv for vinden».
Kva representerer støvet i Bibelen? Kari Veiteberg er biskop i Oslo og det siste året aktuell med bøkene Eg hadde ikkje orka Gud utan Jesus og Bibelen på 200 sider. Samtaleleiar er litteraturvitar og forfattar Grethe Fatima Syéd.
Arrangementet er ein del av LitFest Bergen.